პოლიციამ ნამახვანჰესის აშენების მოწინააღმდეგე აქტივისტი დააკავა.
ლაშა ქუთათელაძე წყალტუბოდან ნამახვანში ქუთაისი-აპლანას საავტომობილო გზით ბრუნდებოდა, რა დროსაც ის პოლიციამ გააჩერა.
ქუთათელაძე და მასთან ერთად მყოფი კიდევ 2 პირი პოლიციის განყოფილებაში გადაიყვანეს.
თანმხლები პირები გაფრთხილებით გაუშვეს, ქუთათელაძე კი პოლიციისადმი დაუმორჩილების ბრალდებით დააკავეს. მას პოლიციისთვის წინააღმდეგობის გაწევას ედავებიან, ასევე, ბრალად ედება სოფელ ნამახვანში გადაპარვის მცდელობა - სოფელი, სადაც ჰესი უნდა აშენდეს, პოლიციამ ჩაკეტა.
რიონის სხვა მცველები ქუთაისის სამხარეო პოლიციის შენობასთან შეიკრიბნენ, სადაც ლაშა ქუთათელაძეა მოთავსებული. მათი თქმით, ლაშა ქუთათელაძეს კანონი არ დაურღვევია - ის არც კომენდანტის საათის დროს გადაადგილდებოდა და არც წინააღმდეგობა გაუწევია პოლიციისთვის.
მათივე განცხადებით, კანონს არა აქტივისტები, არამედ პოლიცია არღვევს.
ქუთათელაძის ადმინისტრაციული საქმის განხილვა სავარაუდოდ დღეს, 10 აპრილს გაიმართება.
დახურვა